കേരളത്തിലെ തൊഴിലാളികളുടെ ആശ്രിതരിൽ നിന്ന് പ്രൊഫഷണലിസവും, ഊർജസ്വലതയും കാര്യക്ഷമതയുമുള്ള സിവിൽ സർവീസ് ഉദ്യോഗസ്ഥരെ സൃഷ്ടിക്കുക എന്നതാണ് അക്കാഡമിയുടെ ലക്ഷ്യം. കിലെ അക്കാഡമിക് ഡിവിഷന്റെ ഭാഗമാണ് കിലെ ഐ.എ.എസ് അക്കാഡമി. കേരളത്തിലെ സംഘടിത-അസംഘടിത തൊഴിലാളികളുടെ ആശ്രിതർക്ക് അക്കാദമിയിൽ പ്രവേശനത്തിന് അർഹതയുണ്ട്. തൊഴിലാളി വർഗത്തിന് മുൻഗണന നൽകിയശേഷം കുറച്ച് സീറ്റുകൾ ഇതര വിഭാഗങ്ങളിലെ വിദ്യാർത്ഥികൾക്കായി തുറന്നിടുന്നു. വിദ്യാർത്ഥികൾക്ക് പരിശീലനം നൽകുന്നതിലൂടെ അവർക്ക് ഉന്നതനിലവാരമുള്ള ലോകത്തിലെ ഏറ്റവും കഠിനമായ പരീക്ഷകളിലൊന്നായ സിവിൽ സർവീസ് പരീക്ഷയിൽ യോഗ്യത നേടാനും, തങ്ങളുടെ സ്വപ്നങ്ങൾ സാക്ഷാത്കരിക്കുന്നതിനും സാധ്യമാകുന്നു. ശീതീകരിച്ച ക്ലാസ്സ് മുറികളും ലൈബ്രറിയും വൈ-ഫൈ കണക്ടിവിറ്റി ഉൾപ്പെടെയുള്ള അത്യാധുനിക സൗകര്യങ്ങളാലും കിലെ –ഐ.എ.എസ് അക്കാദമിയിൽ സുസജ്ജമാണ്.

KILE’s commitment extends beyond research. The KILE Civil Service Academy is a pioneering initiative designed to cultivate a new generation of professional, dynamic, and efficient civil servants. This academy prioritizes dependents of Kerala’s laborers, offering them concessional fees for admission. While the primary focus is on these beneficiaries, remaining seats are open to the public.

തൊഴിൽ നിയമങ്ങൾ, തൊഴിലവകാശങ്ങൾ, തൊഴിൽ പ്രശ്നങ്ങൾ എന്നിവ സംബന്ധിച്ച മികച്ച ധാരണ നൽകുന്നതിനും അവ കൈകാര്യം ചെയ്യുന്നിതിനുള്ള വിവിധ മാർഗങ്ങൾ കണ്ടെത്തുന്നതിനുമായി വിഭിന്നങ്ങളായ പരിശീലന പരിപാടികൾ, ശിൽപ്പശാലകൾ, സെമിനാറുകൾ എന്നിവയിലൂടെ തൊഴിൽ മേഖലയെ ശാക്തീകരിക്കാൻ കിലെ പ്രതിജ്ഞാബദ്ധമാണ്. വിവിധ ഗവേഷണങ്ങളിൽ നിന്ന് ശേഖരിച്ച ഡാറ്റകൾ വ്യത്യസ്ത ടാർഗെറ്റ് ഗ്രൂപ്പുകളുടെ അടിസ്ഥാന ആവശ്യങ്ങളെക്കുറിച്ചറിയാൻ സഹായിക്കുന്നു, ഇത് പരിശീലനത്തിനായി പുതിയ മൊഡ്യൂളുകൾ സൃഷ്ടിക്കുന്നതിനും നിലവിലുള്ളവയെ പുന:രുജ്ജീവിപ്പിക്കുന്നതിനും ഉപയോഗിക്കും. ഓരോ വിഭാഗത്തിന്റേയും ആവശ്യം വിശകലനം ചെയ്യാൻ സഹായിക്കുന്നു. മാത്രമല്ല പങ്കെടുക്കുന്നവരിൽ നിന്നുള്ള നിരന്തരമായ പ്രതികരണം (ഫീഡ്ബാക്ക്) ഓരോ മൊഡ്യൂളും പുന:രവലോകനം ചെയ്യുന്നതിൽ നിർണായക പങ്ക് വഹിക്കുന്നു.

സംസ്ഥാനത്ത് അനുയോജ്യമായ വ്യാവസായിക സൗഹൃദ അന്തരീക്ഷം സൃഷ്ടിക്കുക എന്നതാണ് കിലെയുടെ വിദ്യാഭ്യാസ, പരിശീലന പരിപാടികളുടെ ലക്ഷ്യം. തൊഴിലാളികളുടെ നൈപുണ്യവും അറിവും മെച്ചപ്പെടുത്തുക, ഉദ്പാദനക്ഷമതയും കാര്യക്ഷമതയും വർധിപ്പിക്കുക, വിവിധ കക്ഷികൾ തമ്മിലുള്ള സഹകരണം പ്രോത്സാഹിപ്പിക്കുക എന്നിവയാണ് പരിശീലന പരിപാടികളുടെ ലക്ഷ്യം. കൂടാതെ, സാങ്കേതിക വിദ്യയിലും, വ്യവസായത്തിലെ പുത്തൻ പ്രവണതകളിലും തൊഴിലാളികൾക്ക് പുതിയ കഴിവുകളും കരിയർ അവസരങ്ങളും വികസിപ്പിക്കുന്നതിനും പരിശീലനം സഹായിക്കുന്നു. നൈപുണ്യ വികസനം, വിജ്ഞാന വികസനം, മനോഭാവമാറ്റം എന്നിവയ്ക്ക്പരിശീലന പരിപാടികൾ ഒരുപോലെ ഊന്നൽ നൽകുന്നു.

കിലെയുടെ പ്രവർത്തനത്തിന്റെ അടിസ്ഥാന ശില ആണ് ഗവേഷണം. അതുകൊണ്ട്തന്നെ തുടക്കം മുതൽ ലേബർ, എംപ്ലോയ്മെന്റ് അനുബന്ധ വിഷയങ്ങളിൽ കിലെ ആഴത്തിലുള്ള പഠനങ്ങൾ ഏറ്റവും പ്രാധാന്യത്തോടുകൂടി നടത്തി വരുന്നു. ഈ പഠനങ്ങൾ മേഖലയിലെ വിദഗ്ധരുമായി ആശയവിനിമയം നടത്തി ഏറ്റെടുക്കുകയും ബന്ധപ്പെട്ടവരുടെ കൂടിയാലോചനകളുടേയും വർക്ക്ഷോപ്പുകളിലൂടെയും തിരിച്ചറിയുന്ന നിർണായക പ്രശ്നങ്ങൾ പരിഹരിക്കാൻ നിർദേശിക്കുകയും ചെയ്യുന്നു. സർക്കാർ നിർദേശിക്കുന്ന ഗവേഷണ പദ്ധതികളും കിലെ ഏറ്റെടുക്കുന്നു. ഞങ്ങളുടെ എല്ലാ ഗവേഷണങ്ങളുടേയും കണ്ടെത്തലുകൾ സമഗ്രമായി റിപ്പോർട്ടുകളിൽ രേഖപ്പെടുത്തുകയും നയരൂപീകരണ വേളയിൽ സർക്കാരിന്റെ പരിഗണനയ്ക്കായി സമർപ്പിക്കുകയും ചെയ്യുന്നു. കേരളത്തിലെ ലേബർ, എംപ്ലോയ്മെന്റ് നിർണായക പ്രശ്നങ്ങൾ പരിഹരിക്കുന്ന കർമ പദ്ധതികൾക്ക് രൂപം നൽകുന്നതിൽ ഈ റിപ്പോർട്ടുകൾ നിർണായക പങ്ക് വഹിക്കുന്നു. മുഴുവൻ റിപ്പോർട്ടുകളും റഫറൻസിനായി കിലെ ലൈബ്രറിയിൽ ലഭ്യമാണ്.